ఫలభరితముగా చేయు దేవుడు

    గొడ్రాలితనము, ఫలింపు లేని, ఉపయోగకరము కానీ జీవితము, ఎదుగుదలలేని పరిచర్య, మాటిమాటికి పాపములో పడిపోయే బలహీన స్థితి, పరిశుద్ధంగా జీవించాలని వాంఛ ఉన్న అలా జీవించలేని దౌర్భాగ్యస్థితి చాలా వేదనను మిగులుస్తుంది. నీవు ఒకవేళ ఈ వేదనకరమైన పరిస్థితుల్లో ఉంటే నేను నీకు ఈ విషయాన్ని గుర్తు చేయాలనుకుంటున్నాను. 

    ఆదికాండం ఒకటో అధ్యాయం రెండవ వచనం, దేవుడు సృష్టిని కలిగించక ముందు ఉన్న పరిస్థితులను వివరిస్తున్నది. ఇదే వచనాన్ని కాంటెంపరరీ ఇంగ్లీష్ వర్షన్ లో చదివితే ఇలా రాయబడింది. Genesis 1 : 2 - The earth was barren (CEV). 

    దేవుడు తనకున్న శక్తి చేత ఈ భూమి మీద దృష్టి నిలిపి దాని యొక్క నిష్ఫలమైన స్థితి నుండి, నివాసయోగ్యము కానీ స్థితి నుండి మనందరికీ ప్రయోజనకరంగా దాన్ని మార్చారు. ఈరోజు మనం చూస్తున్న ఈ సృష్టి, నేడున్న స్థితిలో ఒకప్పుడు లేదు. 

    దేవుడు శూన్యములో నుండి అద్భుతంగా దీన్ని కలుగజేశారు. నీ జీవితం అంతా శూన్యమైన దేవుడు ఒక్కడు నీకుంటే చాలు. కాబట్టి ప్రస్తుతం మన జీవితం ఎలా ఉన్నా, కృంగిపోక దేవునికి అప్పగించుకుందాం. ఆయన నిన్ను కూడా ఫలభరితంగా చేస్తాడు, ఈ సత్యం యందు విశ్వాసం ఉంచు! నీ వేదనను దేవునికి సన్నిధిలో కుమ్మరించి ప్రార్ధించు. ఖచ్చితంగా నువ్వు ఫలాన్ని చూస్తావ్.

" దేవా మమ్మును ఫలింప చేయండి " -

- Rephidim Ministries